nota para unha enunciación en terceira persoa

eadweardmuybridge_lelandstanfordjronhispony-gypsy-_phasesofastridebyaponywhilecantering_1879

alguén fora dicirlle que había algo de luz

no fin do corredor

un cuarto con lectores ou amantes

prendidos a unha lámpada

a daren conta certa da paixón

mais el non precisaba oh nada que xurdise

das voces dos humanos

nin cantos nin palabras nin soños nin consolos

só un eco dos enigmas a sombra dos misterios

o pórtico entreaberto unha cancela

que dá para un panasco con cabras a roer

a herba que lle medra para marzo

 

fartara de saber segredos ou astucias

de ser a testemuña tristítimo albacea

de ver verter no saco da tristeza

borralla da esperanza

por iso non seguiu aquela senda

virou de cara ao sur

a algunha desas vilas onde nace

o mar do esquecemento

Advertisements