Lámpada

Landoflonelinessbycarasdesign

Non sempre que se acenden

as lámpadas incertas do outono sobre os campos

amence unha canción

pois teñen as hortensias corruptas na súa cor

sinais de ter deixado as áncoras das naves

feridas entre incendios de barcos e navíos.

Por iso cando un día

as íntimas lanternas espallan luminosas

un froito de fulgor

e arrincan das mazás, das peras, das ameixas,

a tórrida brancura das altas estacións

eu baixo a contemplar os ecos da mirada

e a liña sinuosa das frautas na paisaxe.

Advertisements